Валюта бағамын манипуляциялауға жол берген айырбастау пунктілеріне санкциялар қолданады
«Мұндай жағдайды кейбір саудагерлер пайдаланып қалады. Валюта айырбастау жөніндегі ақпарат теріс пиғылда пайдаланылуы мүмкін, сондықтан ең алдымен, Ұлттық банктің сөзіне сену керек екенін ескертеміз. Осыған орай барлық айырбастау пункттерінде сатып алу және сату айырмашылығы 2 теңгеден асыруға жол бермеу шешімін қабылдадық», - деп атап өтті Ұлттық банктің басшысы.
Ол бұл шешімді бүгін және алдағы уақытта елемеген айырбастау пункттерін Ұлттық банк қатаң жазалайтынын, тіпті, лицензиясынан айырып, мұндай айырбастау пункттерінің қызметін тоқтатуға дейін баратынын жеткізді.
«Теңгенің тепе-теңдік бағасы Қазақстанның экономикасына пайдалы екенін қайта түсіндіргіміз келеді. Ұлттық банк төлем жүйесінің құрылуын қамтамасыз етеді. Сондай-ақ, Ұлттық және өзге де банктер айырбастау пункттерін шетелдік валютамен қамтамасыз етеді», - деді Қайрат Келімбетов.
Тағы да оқу
|
