Жылдың алғашқы 3 күнінде елордада 146 сәби дүниеге келді
Астанада 2014 жылдың алғашқы үш күнінде перзентханалар мен перинаталдық орталықтарда 146 сәби дүниеге келді. Бұл туралы astana.kz сайтына қалалық Денсаулық сақтау басқармасынан хабарлады.
«Астанада 1, 2 және 3 қаңтарда 146 сәби туған, соның ішінде 72 ұл, 74 қыз, егіздер мен үшемдер жоқ», - делінген хабарламада. Айта кетейік, елордада жыл сайын туу көрсеткіші орта есеппен 1,1% (850 - 900 бала) артады, 2013 жылғы желтоқсан жағдайында 1000 адамға шаққандағы туу көрсеткіші 27,67 құрады. 2010 жылы қалалық босанатын әйелдерге дәрігерлік жәрдем беретін мекемелерде 16 444 сәби, 2011 жылы 19 177, 2012 жылы 21 266, ал 2013 жылдың 11 айында 20 699 бала туған.
Негізі: ҚазАқпарат, 06 қан 2014
Тағы да оқу
|