Астанада 2013 жылы 170-тен астам жаңа нотариус ашылды
Астанада 2013 жылы 176 жаңа нотариалдық кеңсе ашылды. Жаңа нотариустардың басым бөлігі қаланың шалғай жатқан жерлерінде орналасқан. Бұл туралы astana.kz сайтына Әділет департаментінен хабарлады.
«Департаменттің кеңесімен жаңа құрылған нотариустардың көбі бұрын нотариалдық қызметтер көрсетілмей келген аудандарда ашылды. Атап айтқанда, Лесозавод, 40 станция, Оңтүстік-шығыс шағын ауданы, Шығыс Ильинка, Көктал шағын ауданы, Заречный кенті. Енді осы ауданның тұрғындары орталыққа бармайды», - делінген хабарламада.
Айта кетейік, 2013 жылы Астанада 663 нотариус жұмыс істесе, 2012 жылы олардың саны 487 болған. Айта кетейік, қалада 5 заң консультациясы мен 9 адвокаттық кеңсе қызмет етеді, ал адвокаттардың жалпы саны - 379.
Тағы да оқу
|